ШұғылҚазақстанда тағы 517 адамнан коронавирус анықталды

Жамбыл облысында жалған ақпарат таратқан тұрғын ұсталды

Ұсталған әйел қателік жасағанын мойындады

Жамбыл облысында жалған ақпарат таратқан тұрғын ұсталды, деп хабарлайды Polisia.kz.

Ол әлеуметтік желілер арқылы «С понедельника 30.03.2020г. Шу закрывается на официальный карантин» деп жалған ақпарат жариялаған.

«Аталған дерек бойынша Шу аудандық полиция қызметкерлері жүргізген жедел-іздестіру жұмыстарының нәтижесінде, 2020 жылдың 30 наурызы күні жалған ақпарат таратқан 34 жастағы Шу қаласының тұрғыны анықталды», - делінген облыстық ПД баспасөз қызметінің хабарламасында.

Ұсталған әйел жоғарыда аталған мәліметті әлеуметтік желілерде жариялап, қателік жасағанын мойындады.

Аталған дерекке қатысты ҚР Қылмыстық кодексінің 274-бабы 4-бөлігі 2-тармағымен (Төтенше жағдай кезінде көрінеу жалған ақпарат тарату) сотқа дейінгі тергеу амалдары жүргізіліп жатыр. Бұл бап бойынша үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айыру жазасы көзделген.

Жамбыл облысының Полиция департаменті тұрғындардан тек ресми ақпараттарға сенуді сұрайды.

Сұхбат