Алматы орталығында жантүршігерлік жол апатынан 2 адам көз жұмды
Тағы 6 адамды жедел жәрдем ауруханаға алып кеткен
17 қазанға қараған түні Алматыда Сейфуллин көшесінің бойында бірнеше автокөліктің қатысуымен ірі жол көлік оқиғасы болды деп хабарлады СТВ телеарнасы.
Куәгерлердің айтуынша, BMW автокөлігі жоғары жылдамдықта жолдың қарсы бағытына шығып, Бөгенбай көшесімен қиылысты бағдаршамның қызыл түсіне қарамастан кесіп өтпек болған. Осы сәтте ол Бөгенбай көшесімен өтіп бара жатқан Audi автокөлігін соғады. Соққының қатты болғанынан Audi алдымен жарнама бағанына, кейін ағашқа барып соғылған. Ал, BMW одан әрі Subaru Forester және Toyota Carina автокөліктеріне айтарлықтай зақым келтірген.
Жол апаты салдарынан Audi көлігінде болған екі жолаушы қаза тапты. Тағы жеті адам жарақат алған, олар – Audi-дің жүргізушісі мен жолаушысы, BMW көлігінің жүргізушісі мен үш жолаушысы және Subaru жүргізушісі.
Куәгерлердің айтуынша, жол апатына себепкер болған BMW автокөлігінің жүргізушісі мас болған.
