Ақтауда әйел адам мүгедектігі бар жасөспірімді соққыға жыққан
Оқиғаның видеосы әлеуметтік желіде тарады
Ақтау қаласында әйел адам мүгедектігі бар жасөспірімді соққыға жыққан, деп хабарлайды Azattyq Ruhy агенттігі Lada.kz-ке сілтеме жасап.
Оқиғаның видеосы әлеуметтік желіде тараған. Белгілі болғандай, екеуідің жанжалы 34 шағынаудандағы №10 үйдің ауласында болған.
Желіде жарияланған видеода әйел мен жасөспірімнің бір-бірінің шашынан тартып жатқанын және айналасында басқа балалардың тұрғанын көруге болады.
Оқиғаға қатысты пікір білдірген Маңғыстау облыстық полиция департаментінің баспасөз қызметі 2023 жылғы 17 қыркүйекте сағат 18:28 шамасында «102» кезекшісінің пультіне көмек сұрап шақыру келіп түскенін хабарлады. Полицияға хабарласқан тұрғынның айтуынша, көршісі мүгедектігі бар қызын ұрып-соққан.
«Шақыруға шыққан учаскелік инспекторлар фактіні растады. Біреудің кәмелетке толмаған қызын ұрып-соққан 36 жастағы әйелге қатысты ҚР ӘҚБтК 73-1-бабының 1-бөлігі және 127-бабының 1-бөлігі бойынша әкімшілік хаттамалар жасалды», - деп хабарлады өңірдің ПД өкілдері.
