Жетісу облысында жүк көлігі аударылып, жүргізушісі мерт болды

Жетісу облысының маңындағы тасжолда жүк көлігі аударылып, жүргізушісі мерт болды, деп хабарлайды Azattyq Rýhy ҚР ІІМ баспасөз қызметіне сілтеме жасап.

Оқиға республикалық Алматы-Өскемен тас жолының 400 шақырымында MAN F2000 автокөлігінің қатысуымен болды. Жүк көлігін 23 жастағы Өскемен қаласының тұрғыны басқарған, алдын ала болжам бойынша, ол ауыр жүк көлігін басқара алмай, оның аударылып кетуіне жол берген.

Оқиға орнында жүргізуші қайтыс болды.

Қажетті сараптамаларды тағайындай отырып, ҚР ҚК-нің 345-бабында көзделген сотқа дейінгі тергеп-тексеру басталды.