Павлодарда жүргізуші бетон тірекке соғылып, қаза тапты

Павлодарда жүргізуші тірекке соғылып, қаза тапты, деп хабарлайды Azattyq Ruhy.

Облыстық полиция департаменті баспасөз қызметінің мәліметінше, 14 қыркүйек күні сағат 00.30-да «Металлург» бағбаншылығына қарама-қарсы аумақта «Toyota Camry 40» маркалы автокөліктің 33 жастағы жүргізушісі рульді басқара алмай, жылу трассасының бетон тірегіне соғылған. 

«Жол-көлік оқиғасы салдарынан жүргізуші алған жарақаттардан оқиға орнында қайтыс болды», – деп хабарлады департаментте. 

Автокөлік арнайы айып тұрағына қойылып, сот-медициналық сараптама тағайындалды.