Шымкентте жол бойында жеңіл көлік толығымен жанып кетті

Шымкентте жол бойында кетіп бара жатқан жеңіл көлік толығымен өртеніп кетті. Оқиға 28 тамыз күні кешкі сағат 7-ден өте болған, деп хабарлайды Azattyq Ruhy.

Қалалық ТЖД хабарлауынша, Арғынбеков көшесі бойында «Mersecedes-Benz» маркалы жеңіл автокөлік толығымен жанып кеткен. Өрт сағат 19:36-да оқшауланып, сағат 19:43-те толығымен сөндірілді. Оқиға орнына департаменттің 10 қызметкері мен 2 техникасы жұмылдырылды.

Зардап шеккендер мен қайтыс болғандар жоқ. Өрттің шығу себебі анықталып жатыр.