Үндістанда нөсер жаңбырдан 70-тен астам адам қаза тапты

Үндістанның Телангана штатында қатты нөсер жауын болып, кем дегенде 50 адам қайтыс болды, деп хабарлады Azattyq Ruhy.

Қатты нөсерден 20 000-ға жуық үй бүлінген, көптеген егістік алқабы су астында қалды.

Телангана үкіметі Үндістан билігінен соңғы екі күнде жалғасып жатқан жаңбырдан зардап шеккендерге көмек көрсету үшін 13,5 миллиард рупий (184 миллион доллар) бөлуді сұрады.

Осы соманың 6 миллиард рупиі фермерлерге көмекке, ал 7,5 миллиард рупиі көмек көрсетуге және оңалту жұмыстарына жұмсалады. Алдын ала болжам бойынша, су тасқынынан болған шығын 50 миллиард рупийге (682 миллион доллар) бағаланады. Махараштра штатының батысында кем дегенде 27 адам жаңбырдан қаза тапты, онда екі күн бойы жаңбыр жауады. Штат билігі қауіпсіз аймақтарға 20 000-нан астам адамды эвакуациялады.