Абай облысында баланы аңдыған ер адамның әрекеті тексерілді
Жауап алу барысында ер адамның заңсыз ештеңе жасамағаны анықталды
Абай облысында баланы аңдыған ер адамның әрекеті тексерілді, деп хабарлайды Azattyq Rýhy полицияға сілтеме жасап.
4 тамыз күні әлеуметтік желіге мониторинг жасау барысында Қарағайлы ауданында әйел адамның жиенімен болған оқиғаны сипаттаған жарияланымы анықталды.
Баланың айтуынша, бас киім мен ақ футболка киген белгісіз адам оны көшеден және кіреберіске дейін аңдыған. Сұқтанған көзді байқаған бала қадамдарын жылдамдата бастаған сәтте, артынша ер адам да тездете бастаған. Бала үйінің кіреберісіне жүгіріп барып, есікті жауып алып, белгісіз адамнан құтылады.
Ол орын алған жағдайды өзінің үйде болған әпкесіне баяндап береді.
Абай облысының полицейлері дереу ер адамның жеке басын анықтау бойынша іс-шаралар өткізді. Ол шағын ауданның 47 жастағы тұрғыны болып шығып, учаскелік полиция пунктіне жеткізіледі.
Жауап алу барысында ер адам заңсыз ештеңе жасамағандықтан, баланың қорыққанын білмегенін түсіндіреді.
Тексеру шараларын жүргізіп, бейнебақылау камераларының жазбаларын қарап шыққаннан кейін, полицейлер расымен де ер адамның іс-әрекетінен аңду фактісін байқамады.
