Алматы облысында 500 мыңға жуық медициналық бетперде тәркіленді

Күдікті тауарды кімге сатпақ болғаны әзірге белгісіз

Талдықорған қаласындағы жеке үйлердің бірінің ауласынан 250 қорапқа салынған медициналық бетперде табылды. Жалпы санау барысында әр қорапта 1800-2000 дана бетперде болған деп хабарлайды Azattyq Rýhy тілшісі.

Болжам бойынша, күдіктілер тауарды тиеп, одан әрі жөнелтуге дайындаған.

«Беркут-162» патрульдік экипажы аулаларды жүріп өту барысында қолдан жасалған қойманы байқаған. Оқиға орнына жедел-тергеу тобы шақырылды. Тексеру барысында еш жерде жұмыс істемейтін 1960 жылы туған азамат ұсталды. Аталған дерек бойынша ҚР Қылмыстық кодексінің 190-бабына сәйкес сотқа дейінгі тергеу амалдары жүргізіліп жатыр», - деді Талдықорған ҚПБ бастығы полиция полковнигі Асқар Нұрсапа.

Қазіргі уақытта алдын ала тергеу жұмыстары жүргізілуде. Күдіктінің медициналық бетперделерді қайда және кімге тасымақ болғаны анықталады. 

Сұхбат
«Туристік қамқор» басшысы Асылхан Есіловпен сұхбат
Түркиядағы қазақ журналисі шетел асқысы келетін жастарға кеңесін айтты