Алматы облысында 7 жасар балаға жыныстық әрекеттер жасады деген күдікпен ер адам ұсталды
44 жастағы күдікті қамауға алынды
Алматы облысында 7 жасар балаға жыныстық әрекеттер жасады деген күдікпен 44 жастағы ер адам ұсталды, деп хабарлайды Azattyq Ruhy облыстық Полиция департаменті баспасөз қызметіне сілтеме жасап.
«11 мамыр күні Еңбекшіқазақ ауданының полиция бөліміне Көктөбе-1 ауылының 57 жастағы тұрғыны арызбен келіп, 44 жастағы көршісіне шара қабылдауды сұраған. Шағымданушының немересінің айтуы бойынша, 2022 жылы ер адам өзіне жыныстық сипаттағы іс-әрекеттер жасаған», - делінген хабарламада.
Бүл дерек ҚР Қылмыстық кодексінің 121-бабы 4-бөлігі бойынша аудандық полицияда тіркелді. Күдікті заңнамада белгіленген тәртіппен қамауға алынды.
Аталған деректі тексеру шеңберінде бірқатар сот-медициналық сараптама тағайындалды. Тергеудің жан-жақтылығы, толықтығы мен объективтілігін қамтамасыз ету үшін тараптардың дәлелдері тексеріліп жатыр.
ҚР Қылмыстық-процессуалдық кодексінің 201-бабы шеңберіндегі өзге ақпарат жария етуге жатпайды.
