Алматылық адвокат алаяқтық жасағаны үшін жеті жылға сотталды

Алматыда алаяқтық жасаған адвокат жеті жылға сотталды, деп хабарлайды Azattyq Ruhy.

Алматы сотының баспасөз қызметі хабарлағандай, Медеу ауданының №2 аудандық сотында Г.-ға қатысты алаяқтық және пара беруге шақырды деген айыппен қылмыстық іс қаралды.

«Сот Г.-ның Алматы қалалық адвокаттар алқасының адвокаты бола тұра, іс жүзінде жұмысты орындамай, қызмет көрсетпей, шот-фактураларды бергені үшін қылмыстық жауапкершілікке тартылған А. мен Г.-ны қорғап, тергеушілер пара сұрады деген сылтаумен әрқайсысынан 1 000 000 теңге алып, оны ұрлап кеткен», - делінген сот хабарламасында.

Сот үкімімен адвокат Қылмыстық кодекстің 24-бабының 3-190-бөлігі және 4-бөлігінің 2-тармағы, 28-бөлігі, 4-367-бөлігі және 3-бөлігінің 2-тармағы бойынша кінәлі деп танылды.

Сот жазаны тағайындау кезінде жас балаларының барын жазаны жеңілдететін мән - жайлар ретінде ескерді. Ал кәсіби анттың бұзылуын жазары ауырлататын мән-жайлар ретінде қарастырды

«Сот оны өмір бойына мемлекеттік қызметте лауазымдарды атқару құқығынан айыра отырып, жеті жылға бас бостандығынан айыру туралы үкім шығарды», - делінген хабарламада.

Үкім заңды күшіне енген жоқ.