ШұғылҚазақстанда тағы 716 адамнан коронавирус анықталды

Астаналық полицейлер өрттен бес адамды құтқарып қалды

Өрт 5 наурыз күні болған

Фото: polisia.kz

Елордада 5 наурыз күні Жүнісов көшесіндегі 300 шаршы метр аумақта жеке тұрғын үйден өрт шықты, деп хабарлайды Polisia.kz. 

«Оқиға орнына жеткен Нұр-Сұлтан қаласы жергілікті полиция басқармасының патрульдік полиция полкінің инспекторларына үйге кіру үшін терезені сындыруға тура келді. Үйге кіргеннен кейін полиция қызметкерлері адамдарды тез арада оятып, таза ауаға шығуға көмектесті», - деп жазады медиа-портал.

Содан кейін тәртіп сақшылары жедел медициналық көмек шақырған. Өрт шыққан үйден 5 адам эвакуацияланған. 

«Зардап шеккендер мен құрбан болғандар жоқ. Қазіргі уақытта тексеру жүргізіліп, өрттің себебі анықталып жатыр. Нұр-Сұлтан қалалық  Полиция департаменті елорда тұрғындары мен қонақтарына өрт қауіпті жағдайлардың алдын алу мақсатында қауіпсіздік шараларын қатаң сақтау керектігін ескертеді», - деп жазылған хабарламада.