Қызылорда облысында тұрғыннан экстремистік бағыттағы кітаптар тәркіленді

Экстремистік бағыттағы материалдарды сақтағаны үшін деструктивті діни ағымды ұстанатын облыс тұрғыны ұсталды, деп хабарлайды Azattyq Ruhy.

«Қызылорда облысы Полиция департаментінің Экстремизмге қарсы іс-қимыл басқармасы қызметкерлерімен жүргізілген жедел- іздестіру іс-шаралары нәтижесінде экстремистік бағыттағы материалдарды сатқан үшін деструктивті діни ағымын ұстанатын Қазалы ауданының 32 жастағы тұрғыны ұсталды. Тұрғылықты мекен-жайы бойынша экстремистік бағыттағы кітаптар тәркіленді», - делінген ПД хабарламасында.

Оған қатысты ҚР ӘҚБтК-нің 490-бабының 1-бөлігімен 3 тармағымен (Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру) әкімшілік хаттама толтырылып, жинақталған құжаттар сотқа жолданған. Сот қаулысымен әйел адам кінәлі деп танылып, оған 107 205 теңге айыппұл салынды.