Павлодарда жол апатынан жүргізуші қаза тапты

Қайғылы оқиға 18 қаңтарда болған

Фото: t.me/POLICE_of_KZ

Павлодарда жол-көлік апатынан жүргізуші қаза тапты, деп хабарлайды Azattyq Ruhy.

Облыстық полиция департаменінің хабарлауынша, қайғылы оқиға 18 қаңтарда болған.

«Сағат 19.00 шамасында Kia көлігінің 53 жастағы жүргізушісі Орталық өнеркәсіп аймағы көшесіндегі ғимаратқа қарама-қарсы жерде рөлді басқара алмай, трамвайлардың байланыс желісінің тірегіне соқтығысқан. Жүргізуші оқиға орнында көз жұмды», - делінген ПД хабарламасында.

Аталған факт бойынша тексеру жүргізіледі, сараптама тағайындалады.

Апатқа ұшыраған көлік арнайы айыппұл тұрағына қойылды.

Мақалада

#Павлодар #жол-көлік апаты #адам өлімі #қайғылы оқиға #Полиция департаменті

Алдыңғы жаңалық

Кентау тұрғынынан қару-жарақ пен жарылғыш заттар тәркіленді