Ертіс ауданында балықшылар қар құрсауында қалды

Ертіс ауданында қар құрсауында қалған балықшылар құтқарылды, деп хабарлайды Azattyq ruhy.

Бұл туралы Павлодар облысы ТЖД баспасөз қызметі мәлімдеді.

«Ертіс ауданының төтенше жағдайлар бөліміне 4 қаңтар күні сағат 18:50-де ауа райының қолайсыздығына байланысты Қарақұдық ауылдық округінің аумағында екі автокөлікте 3 адамның қарлы боран астында қалғаны туралы хабарлама келіп түсті», - делінген хабарламада.

Ертіс ауданының жергілікті атқару органының және ТЖ қызметкерлері төтенше жағдай орнына көмекке келді. Сағат 20:50-де азаматтар қар құрсауынан құтқарылды.