Павлодарда сегізінші қабаттан құлаған қыз қайтыс болды

Павлодарда сегізінші қабаттан құлаған қыз көз жұмды, деп хабарлайды Azattyq Ruhy Pavlodarnews.kz-ке сілтеме жасап.

«Бала көптеген жарақаттар алған. Сүйектердің, омыртқаның сынуы, жұлынның зақымдануы, ішкі органдарының көптеген зақымдануы болды. Ауруханамыздың дәрігерлері қолдан келгеннің барлығын жасады. Өкінішке орай, баланы аман алып қалу мүмкін болмады», - деді облыстық балалар ауруханасында.

Еске салайық, 22 желтоқсан күні сағат 17:06-да облыстық жедел жәрдем қызметіне 8-қабаттан бала құлағаны туралы қоңырау түскен. Қыз бала Назарбаев даңғылы, 204 мекенжайындағы үйдің 8-қабатынан құлаған.