Атырауда екі көлік соқтығысып, жолаушы қаза тапты

Атырауда екі көлік соқтығысып, соның салдарынан ер адам қаза тапты, деп хабарлайды Azattyq Ruhy.

Облыстық полиция департаментінің хабарлауынша, қайғылы оқиға 22 желтоқсанда болған.

«З.Қабдолов көшесінде келе жатқан 1980 жылғы жүргізуші басқарған Chevrolet Cobalt көлігі қарсы жолаққа шығып кетіпғ 1989 жылғы жүргізуші басқаруындағы Lexus көлігіне соғылған. Жол-көлік апаты салдарынан Chevrolet Cobalt-тың 1972 жылы туған жолаушысы оқиға орнында қайтыс болды», - делінген хабарламада.

Аталған дерек бойынша ҚР Қылмыстық кодексінің 345-бабының 3-бөлігі бойынша сотқа дейінгі тергеп-тексеру жұмыстары басталды.

Қазіргі кезде сараптама тағайындалды.