СҚО-да полиция қызметкері асылып қалды

15 ақпан күні Петропавлда жалдамалы пәтерде 29 жастағы полицей асылып қалды, деп хабарлайды Azattyq Rýhy тілшісі pkzsk.kz-ке сілтеме жасап. 

«Кәмелеттік жасқа толмағандар ісі бойынша инспектор Асқар Назыров  өз-өзіне қол салды. Суицид жасау үшін ол облыс орталығынан пәтер жалға алған. Оның жасы 29-да еді», - деп жазылған басылымда.

СҚО Полиция департаментінің баспасөз қызметі бұл фактіні растады. Полицейдің өлім себебін арнайы тергеу анықтайды. 

«Аталған факті ҚР ҚК 105 бабы бойынша сотқа дейінгі тергеу реестріне енгізілді. Сонымен қатар қызметтік тексеріс тағайындалды»,  - деді ПД өкілдері.

Қаза тапқан полицейдің әріптестерінің бірі оның басшылықпен араздасып қалғанын айтқан.