Алматыда автобустардың соқтығысуынан ауруханаға жеткізілген адамдар саны 17-ге жетті

Алматыда № 98 және № 201-бағыттағы екі қоғамдық көлік соқтығысты, деп хабарлайды Azattyq Ruhy.

Қалалық полиция департаменті бұған дейін 15 адам ауруханаға жекізілді десе, қазір денсаулық сақтау басқармасы зқардап шеккендердің саны артты деп отыр.

«Қаланың ауруханаларына 17 адам әртүрлі жарақаттармен жеткізілді. Жалпы, жол-көлік оқиғасынан 19 адам зардап шекті, біреуі медициналық көмектен бас тартты. Бір жәбірленуші жедел жәрдем келгенге дейін қайтыс болды»,-деп мәлімдеді Алматы қаласы Қоғамдық денсаулық сақтау басқармасының баспасөз қызметі.