17.02.2020, 09:41
Оқиғалар
Петропавлда көпқабатты үй өртеніп, зейнеткер қаза тапты
Өрттің шығу себебі әзірге белгісіз
Петропавлда вокзал маңындағы 9 қабатты үйлердің бірі өртеніп, оқиға орнынан 84 жастағы зейнеткердің мүрдесі табылды, деп хабарлайды Azattyq Rýhy тілшісі.
Кошуков көшесіндегі 7 үйдің 2-ші подъезі отқа оранған. Оқиға орнына өрт сөндірушілер жеткен кезде пәтерлердің бірінде жиһаз бен үйдегі заттар жанып жатқан. Подъезден барлығы 8 адам эвакуацияланған. Оның екеуі бала. Өртті сөндіру кезінде 1936 жылы туған зейнеткердің мүрдесі табылды.
Қызыл жалынды ауыздықтау жұмыстарына төтенше жағдай қызметінің жеке құрамынан 20 адам мен 6 техника жұмылдырылған. Өрттің жалпы аумағы 18 шаршы метр. Келтірілген шығын көлемі есептелуде. Өрттің шығу себебі әзірге белгісіз.
Эльмира Мәмбетқызы, СҚО
Көп оқылған
15.05.2026, 14:09
«Жетпіс мың теңге үшін көкбауырын үзіп жіберген»: Алматы облысында тағы бір бозбала төбелестен көз жұмды
15.05.2026, 17:03
Жол сапасы назарда: Ақмола облысында ондаған зауыт тексеріліп жатыр
15.05.2026, 15:53
Семейде ер адам бүлдіршіндерге қарап тұрып, ұятсыз әрекет жасады (ВИДЕО)
