$ 498.51  522.84  4.81
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
01.09.2022, 16:55
Оқиғалар

Шымкентте 48 жастағы ер адам алғаш рет мектеп табалдырығын аттады

Бүгін 167/2 түзеу мекемесінде 48 сотталушы үшін оқу жылы басталды

Шымкентте 48 жастағы ер адам алғаш рет мектеп табалдырығын аттады

Шымкентте 48 жастағы ер адам алғаш рет мектеп табалдырығын аттап отыр. Қазір ол қатаң режимдегі колонияда жазасын өтеп жатыр. Бүгін 167/2 түзеу мекемесінде 48 сотталушы үшін оқу жылы басталды, деп хабарлайды Azattyq Ruhy тілшісі Otyrar.kz-ке сілтеме жасап.  

48 жастағы Диас (аты өзгертілді – ред.) өмірінде алғаш рет мектеп есігін ашып отыр. Оның балалық шағы көшеде өткен. Ата-анасы ерте қайтыс болған соң одан туыстары бас тартқан. Ол ешқашан мектепке бармаған, оқи да, жаза да алмайды.

«Мен бала кезімнен ұрлық жасадым, үнемі қарным ашып жүретін, кейде қайыр сұрайтынмын. Ешқашан өз үйім болмаған. 20 жасымда дүкен тонап, колониядан бір-ақ шықтым. Содан кейін тағы жаза басып, келесі мерзімге кесілдім. Бірақ еш оқығым келмейтін, қолымнан ештеңе келмейтініме ұялатынмын. Қазір жиі сабақ өтеміз, фильмдер қараймыз, психологиялық тренингтерге қатысып, кітап жайлы әңгіме естиміз. Сондықтан оқуға деген ынтам пайда болды. Ұзақ уақыт күмәнданып жүрдім, тіпті қорықтым да. Дегенмен мектепке баруды жөн көрдім», - дейді сотталған ер адам.

Алғаш рет білім алуға бел буған сотталғандар тікелей алтыншы сыныпқа барады. Онда мұғалімдер әдебиет, математика, тарих пәндерінен сабақ береді. Диас пен оның камераластары оқу мен жазуды үйренбек.

«Мекемеде жазасын өтеп жатқандардың көбі оқу-жазу білмейді. Кейбіріне аты-жөнін жазу қиынға соғады. Бастауыш білім беруге тырысамыз. Кейбірі колледжде оқиды", - дейді тәрбие бөлімінің басшысы Талғат Боранов.

Биыл 48 сотталушы алғаш рет мектепке барды. Мекемеде барлығы 72 адам білім алып жатыр.

Серіктес жаңалықтары