Павлодар облысында жол апаты болып, жүргізуші көз жұмды

Павлодар облысында жол апаты болып, жүргізуші көз жұмды, деп хабарлайды Azattyq Ruhy.   

Облыстық полиция департаменті баспасөз қызметінің мәліметінше, жол апаты салдарынан жүргізуші қаза тапты. 

Жол-көлік оқиғасы Қалқаман – Баянауыл – Керней автожолында болған.

«21 тамызда сағат 18:00-де Қалқаман ауылы маңында «Mercedes-Benz E» 220 автокөлігінің 51 жастағы жүргізушісі рөлді басқара алмай, көлікпен кюветке аударылып кеткен», - дейді департаментте. 

Салдарынан жүргізуші алған жарақатынан оқиға орнында көз жұмды. 1969 жылы туған жолаушы жарақатпен ауруханаға жеткізілді.

Автокөлік арнайы айып тұрағына қойылды. Медициналық сараптама тағайындалды. Тексеріс жүргізіліп жатыр.