БҚО-да жас жігітті пойыз қағып өлтірді

Azattyq Rýhy

Аталған дерекке қатысты іс қозғалды

БҚО-да жас жігітті пойыз қағып өлтірді
Фото: ашық дереккөзден

БҚО-да пойыз қағып кеткен ер адам алған жарақатынан оқиға орнында көз жұмды, деп хабарлайды Azattyq Ruhy.

Қайғылы оқиға 10 тамызда сағат 4:00 шамасында Қазақстан бекеті маңында болған.

Көліктегі полиция департаментінің баспасөз қызметінің мәліметінше, кезекші бөлімшеге жүк пойызының белгіленбеген жерде теміржолды кесіп өтіп бара жатқан ер адамды қағып кеткені туралы хабарлама түскен.

«27 жастағы жігіт – Ресей азаматы алған жарақатынан оқиға орнында көз жұмды.», - делінген хабарламада.

Тергеу барысында жас жігіттің оқиға болған сәтте құлаққап киіп алғаны және пойыздың дабыл сигналын естімегені анықталды.

Аталған дерекке қатысты «Абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі қағидаларын бұзу» бабы бойынша іс қозғалды.

×
Бұл желілік ресурстың ақпараттық өнімдері 18 жастан асқан адамдарға арналған.