Павлодарда 12 жастағы бала бірнеше күннен бері табылмай жатыр

Павлодарда кәмелетке толмаған бала 8 шілде күні кешке қарай жоғалып кеткен, деп хабарлайды Pavlodarnews.kz.

Баланың жоғалғаны туралы «VITA» Павлодар іздеу жасағы» қоғамдық бірлестігінің еріктілері өздерінің Instagram парақшасында жариялады.

Жасөспірім Назарбаев даңғылы, 287 мекенжайынан белгісіз бағытта кетіп, қайтып оралмаған.

Баланың айрықша белгілері - арықша келген, бойы 165 сантиметр, көздері көк, шашы қызыл, бетінде сепкілдері бар. Оның үстінде қара мешпет, трико және спорттық аяқ киім болған.

Еріктілер жасөспірімнің қайда жүргені туралы қандай да бір ақпараты бар барлық адамдардан көмек көрсетуін сұрайды. Балаға қатысты кез келген ақпаратты «102» нөмеріне қоңырау шалып хабарлауды еске салады.