$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
05.07.2022, 11:51
Оқиғалар

Шымкентте 6 жасар бала бассейнге батып кетті

Қайғылы оқиға 4 шілдеде сағат 16:30 шамасында болған

Шымкентте 6 жасар бала бассейнге батып кетті
Фото: Шымкент қалалық ТЖД

Шымкентте бассейнде құтқару шеңберімен жүзіп жүрген 6 жасар бала суға батып кетті, деп хабарлайды Azattyq Ruhy.

Қалалық төтенше жағдайлар департаментінің хабарлауынша, 4 шілдеде сағат 16:37-де «112 құтқару» қызметіне Қайнарбұлақ ауылдық округінің Шанин көшесінде орналасқан жеке бассейнде баланың суға батқаны туралы хабар келіп түскен.

«Енді ғана ашылған демалыс орнының аумағына 2016 жылы туған бала ата-анасымен суға түсуге келген. Қайғылы оқиға көзді ашып-жұмғанша болған. Бір сәтке қараусыз қалған бала абайсызда суға құлап, батып кеткен. Бала құтқару шеңберімен жүзіп жүрген, алайда бұл оны құтқара алмады», - делінген ТЖД хабарламасында.

Сот-медициналық сараптама тағайындалды.

Серіктес жаңалықтары