Көкшетауда аса ірі көлемде контрабандалық темекі өнімі таркіленді

ҚМА Ақмола облысы бойынша аумақтық департаментімен заңсыз кәсіпкерлік фактісі бойынша сотқа дейінгі тергеу басталды, деп хабарлайды Azattyq Rúhy.

«Газель маркалы автокөлікті тексеру барысында акциздік таңбалары жоқ 34 500 дана темекі өнімдері табылып, тәркіленді. Темекі өнімдері көлікке Нұр-Сұлтан қаласындағы «Әмір» әмбебап базарының аумағында тиеліп, Көкшетау қаласына жөнелтілген. Жедел іздестіру кезінде сол маркадағы темекілер табылды. 34 500 дана темекінің құны 20 355 000 теңгені құрайды",-делінген ҚР Қаржылық мониторинг агенттігінің хабарламасында.

ҚР КПК 201-бабына сәйкес тергеу мүддесіне қатысты өзге де мәліметтер жария етілмейді.