Абай облысында орман өртеніп жатыр

Абай облысында “Семей Орманы” резерватында орман өртенді, деп хабарлады Semeynews.kz. 

ШҚО ТЖД баспасөз қызметінің хабарлауынша, Бесқарағай ауданында Жетіжар ауылынана 30 шақырым жерде, “Семей Орманы” резерватында, Долон филиалында орман өртеніп жатыр. 

"Орман алқабындағы құрғақ шөп, ағаштар өртеніп жатыр. Өрттің жалпы аумағы – 20 Га. Тұрғылықты мекендерге қауіп жоқ. Өртті сөндіруге облыстық департаменттің жеке құрамынан 11 қызметкер және 3 бірліктегі техника, орман шаруашылығынан 30 жұмысшы және 11 бірліктегі техника жұмылдырылды", – делінген баспасөз хабарламасында. 

Тілсіз жаумен күреске қосымша Семей қаласынан 11 адам және 4 бірліктегі техника жолданды.