Ақтөбе облысында құбыр ішіне кептеліп қалған ер адам құтқарылды

Ақтөбе облысының Жаңақоныс ауылында ер адам шұңқырдағы құбыр ішіне түсіп, қайтып шыға алмай қалған, деп хабарлайды Azattyq Ruhy тілшісі «Диапазон» сайтына сілтеме жасап.

Облыстық ТЖД мәліметінше, оқиға 4 маусым күні болған.

Белгілі болғандай, 29 жастағы ер адам диаметрі 400 мм құбырға түсіп, өздігінен жоғары көтеріле алмаған.

«Құтқару операциясына 8 адам қатысты. Құбырдан құтқарушылардың көмегімен шығарылған адамға медициналық көмек қажет болған жоқ», - делінген ТЖД хабарламасында.