Көкшетауда екі ер адам көршісінің үйін өртемек болды

Azattyq Rýhy

Үй ішінде кішкентай бала болған

Көкшетауда екі ер адам көршісінің үйін өртемек болды
Фото: Polisia.kz

Көкшетаулық полицейлер балалар болған жеке үйді өртеу әрекетінің алдын алды, деп хабарлайды Polisia.kz.

26 мамырда Көкшетау қаласының полиция басқармасына жергілікті тұрғынға өртеу қаупі туралы телефон хабарламасы келіп түсті. Азаматша полицияға көршісінің өзіне тиесілі жеке үйдің ішіне бензин құйып, өртеп жіберу қаупі төніп тұрғанын айтты.

Оқиға орнына дереу келген учаскелік полицейлер үйден мас күйдегі екі ер адамды тауып алды. Кәмелетке толмаған төрт бала үйдің ауласында, біреуі ішінде болған.

Үйдің барлық бөлмелерінің едендеріне бензин төгілген, ал бөлмеде жанармайдың иісіне тән иіс болды. Келіссөздерге көнбеген қаскүнемдер оттықты пайдаланып, қауіп-қатер төндіруді жалғастырды. Үй ішіндегі адамдардың өміріне қауіптенген тәртіп сақшылары қаскүнемдерді жедел ұстап, Полиция басқармасына жеткізді.

Аталған факті бойынша тексеру жүргізіліп, болған оқиғаның барлық мән-жайлары анықталып жатыр, олардың нәтижелері бойынша процессуалдық шешім қабылданатын болады.

×
Бұл желілік ресурстың ақпараттық өнімдері 18 жастан асқан адамдарға арналған.