Сенегалда ауруханадан шыққан өрттен жаңа туған 11 нәресте көз жұмды

Сенегалдағы ауруханадағы өрттен жаңа туған 11 нәресте қаза болды, деп хабарлайды Azattyq Rýhy тілшісі РИА Новости агенттігіне сілтеме жасап.

Сенегалдың Тивауан қаласындағы өрттен кем дегенде 11 шақалақ қайтыс болды. Бұл туралы ел президенті Маки Сал мәлімдеді.

«Мен неонатология бөлімінде болған өрттен жаңа туған 11 нәрестенің қайтыс болғанын естіп, қатты қайғырып отырмын», - деп жазды ол Twitter-дегі парақшасында.

Оқи отырыңыз: АҚШ-та бастауыш мектепте атыс болып, 18 бала мен 3 ересек адам қаза тапты

Сенегал басшысы қаза болған балалардың отбасына көңіл айтты. Ол сондай-ақ Тивауан ауруханасындағы өрт сәрсенбі, яғни 25 мамырда болғанын айтты.