Павлодарда сауда орталығынан телефон ұрлап кеткен зейнеткер ұсталды

Azattyq Rýhy

Одан ұрланған телефон тәркіленді

Павлодарда сауда орталығынан телефон ұрлап кеткен зейнеткер ұсталды
Фото: vkirove.ru

Павлодардағы сауда үйінің бірінен зейнеткер телефон ұрлап кеткен, деп хабарлайды Azattyq Rýhy.

Облыстық полиция департаментінің мәліметінше, қаладағы Катаев көшесінің бойында орналасқан сауда орталығының сатушысы полицияға жүгінген.

«Сатушы белгісіз біреудің дүкен сөресіне құны 404 000 теңге тұратын ұялы телефонды ұрлап кеткенін айтқан. Сол күні жүргізілген шаралар барысында полиция қызметкерлері ұрлық жасады деген күдікпен 66 жастағы ер адамды ұстады. Одан ұрланған телефон тәркіленді», - делінген хабарламада.

Айта кетейік, жыл басынан бері Павлодар облысында 80-нен астам ұялы телефон ұрлығы тіркелген. Полицейлер көктем мен жаз айларында ұялы телефон ұрлығы күрт өскенін айтады.  

×
Бұл желілік ресурстың ақпараттық өнімдері 18 жастан асқан адамдарға арналған.