Астанада автобус жүргізушісі жасөспірім қызды зорлаған

Azattyq Rýhy

Оқиға 16 мамыр күні күндіз болған

Астанада автобус жүргізушісі жасөспірім қызды зорлаған
Фото: ашық дереккөзден

Елордада автобус жүргізушісі сал ауруымен ауыратын қызды зорлаған деген күдікке ілінді, деп хабарлайды Azattyq Rýhy тілшісі Elorda.info сайтына сілтеме жасап.

Бүгінде Нұр-Сұлтан қалалық Полиция департаменті 55 жастағы автобус жүргізушісінің сал ауруымен ауыратын 16 жастағы жасөспірім қызды зорлау ісін тергеп жатыр. Күдікті табылып, бірақ ешқайда кетпеу туралы қолхатпен босатылған.

Оқиға 16 мамыр күні күндіз болған. Жасөспірім колледжден автобуспен үйіне қайтқан. Қыздың ағасының айтуынша, жүргізуші жасөспірімге қаланы аралатып көрсететінін айтып, автобуста қалуын сұраған. Содан кейін ол соңғы аялдамаға барып, күш қолданып, зорлық жасаған.

Ағасы автобустағы камераның қозғалыс кезінде қосылып тұрғанын, бірақ жүргізуші соңғы аялдамада оны өшіріп тастағанын нақтылады. Камералар 17 минут жұмыс істемеген. Бәрі аяқталғаннан кейін ол автобустан қашып шыққан. Соңғы аялдамада тұрған адамдар қызға ол жерден кетуіне көмектескен.

×
Бұл желілік ресурстың ақпараттық өнімдері 18 жастан асқан адамдарға арналған.