Семейде бес қабатты үй өртенді

Семейде бес қабатты үй өртенді, деп хабарлайды Azattyq Rýhy Semeynews.kz сайтына сілтеме жасап. 

ШҚО ПД баспасөз қызметінің хабарлауынша, Семейде Жамақаев көшесіндегі 5 қабатты тұрғын үйде өрт шықты. Оқиға орнына қөұтқарушылар келіп жеткенде 1 және 2 қабат аралығындағы алаңның терезе бөлігінің ағаш құрылымы өртенген. Өрттің жалпы алаңы 1 шаршы метрді құрады. Алаңы шағын болғанымен, қалың түтін бес қабатқа тарады. 

Тұрғындардың қауіпсіздігін қамтамасыз ету мақсатында құтқарушылармен 34 тұрғын, оның ішінде 7 бала эвакуацияланды.

Алдын ала болжам бойынша өрттің шығу себебі – отты абайсызда пайдалану.