Көкшетауда студент университет терезесінен секіріп кетті

Шоқан Уәлиханов атындағы Көкшетау мемлекеттік университетінің екінші курс студенті оқу орнының алтыншы қабатынан секіріп кетті. Ол жедел түрде ауруханаға жеткізілді, деп хабарлайды Azattyq Rýhy тілшісі baigenews.kz-ке сілтеме жасап.

ЖОО бұл ақпаратты растады. Оқиға үзіліс кезінде болған. 

«Студент терезені сындырып, артынша секіріп кеткен. Қасындағы адамдар оны ұстап қалуға тырысқанымен, бұдан еш нәтиже шықпады», - дейді университет өкілдері. 

Университет өкілдерінің айтуынша, студент «Экология» мамандығы бойынша екінші курста оқиды. 

Полиция департаменті мен Денсаулық сақтау департаменті оқиға туралы толық ақпарат кейінірек жарияланатынын мәлімдеді.