Семейде 14 жастағы жасөспірім жоғалып кетті

Azattyq Rýhy

Ол 12 сәуірде үйінен шығып кетіп, қайта оралмаған

14 жастағы семейлік Бейсенғали Ескендір Айқынұлына іздеу жүргізілуде, деп хабарлайды Semeynews.kz.

Семей қ. ПБ 25.01.2008 жылы дүниеге келген Бейсенғали Ескендір Айқынұлы іздестіруде. Ескендір Айқынұлы осы жылдың 12 сәуірінде сағат 20:00 шамасында үйінен белгісіз бағытқа шығып кетіп, қайтып оралмаған.

Куәгерлердің айтуларынша, олар соңғы рет жасөспірімді Ш.Уәлиханов көшесі, 159-үйдің ауласынан көрген.

Белгілері: бойы – 145-150 см, сымбат денелі, шашы қара. үстінде қара күртесі, қара спорттық малақайы, қара трико, аяғына қара кроссовка киген.

Егер де кімде-кім қандайда бір деректер білетін болса, 102 немесе  8 (7222) 69-30-09 телефондарына хабарласуларын сұрайды.

×
Бұл желілік ресурстың ақпараттық өнімдері 18 жастан асқан адамдарға арналған.