Алматыда жаяу жүргіншіні көлік қағып өлтірді

Жол полициясы қызметкерлері оқиғаның мән-жайын анықтап жатыр

Фото: zakon.kz

Алматыда ер адамды көлік қағып өлтірді, деп хабарлайды Azattyq Rýhy.

Zakon.kz порталының жазуынша, қайғылы оқиға түнде Бұқтырма көшесінде болған.

«Toyota Corolla автокөлігі Бұқтырма көшесімен шығыс бағытта келе жатқан. Көлік жүргізушісінің айтуынша, жолдың жарығы жоқ бөлігінен өтіп бара жатқанда күтпеген жерден жаяу жүргінші жүгіріп шыққан», - делінген қалалық полиция департаментінің ақпаратында.

Жүргізуші тежегішін басып үлгермеген. Қатты соққы салдарынан 50 метрден астам жерге ұшып кеткен ер адам алған жарақатынан оқиға орнында көз жұмды.

Жол полициясы қызметкерлері оқиғаның барлық мән-жайын анықтап жатыр.

Мақалада

#Алматы #жол-көлік апаты #қайғылы оқиға #Алматы қаласы Полиция департаменті

Алдыңғы жаңалық

Астана тұрғыны супермаркеттің сақтау камерасынан ұялы телефон ұрлап кетті