Астана тұрғыны супермаркеттің сақтау камерасынан ұялы телефон ұрлап кетті

39 жастағы елордалық әйелдің бұл әрекеті бейнебақылау камерасына түсіп қалған

фото 3dnews.ru сайтынан

Астана тұрғыны супермаркеттің сақтау камерасынан ұялы телефон ұрлап кетті, деп хабарлайды Azattyq Rýhy.

«Магнум» супермаркетіне келген әйел сақтау камерасының жанындағы сатып алушылардың ағынын пайдаланып, бос ұяшықтың кілтін алып, басқа ұяшықты ашып алған. Ол алып шыққан сөмкеде құны 450 мың теңге тұратын «Айфон 12» телефоны болған», деп көрсетті Нұр-Сұлтан қаласы Полиция департаментінің баспасөз қызметі.

Оның бұл әрекеті супермаркеттегі бейнебақылау камераларына түсіп қалған.

Қазір аталған факті бойынша сотқа дейінгі тергеу амалдары жүргізіліп жатыр, күдіктіден ұрланған заттар тәркіленді.

Мақалада

#қылмыс #ұрлық

Алдыңғы жаңалық

Шымкентте такси жүргізушісін өлтіріп кеткен екеу қолға түсті