Ақсу ауылдық аймағында бірнеше бас қой қырылып қалды

Azattyq Rýhy

Қойларға қасқыр шапқан болуы мүмкін деген болжам бар

Ақсу ауылдық аймағында бірнеше бас қой қырылып қалды
Фото: ашық дереккөзден

Көктас ауылының тұрғыны бір түнде 13 бас ұсақ малынан айырылып қалды, деп хабарлайды  Pavlodarnews.kz.

Әлеуметтік желіде жантүршігерлік видео пайда болды. Жануарлар бұрыштарда жайрап жатыр. Олардың арасында тірі қойлар да бар. Қойларды қасқыр қырып кетуі мүмкін деген болжам тарауда. 

"Қой иесінің айтуынша,  бұл қаңғыбас иттер емес, олар жүгіріп шығып, жанында тұрған коттедждің аумағына қарай кеткен. Барлық жиналған материалдарды полицияға береміз", – деді облыстық ветеринарлық станциясы Ақсу филиалының басшысы Мират Тиканов. 

Әлеуметтік желіде тараған видеоның астында қолданушылар қаңғыбас иттердің санына қатысты алаңдаушылық білдіруде.

×
Бұл желілік ресурстың ақпараттық өнімдері 18 жастан асқан адамдарға арналған.