Атырауда екі автокөлік соқтығысып, 3 адам қаза болды

Атырау маңында жол-көлік оқиғасынан үш адам қаза тапты, деп жазады ҚазАқпарат.

Өңірдің Полиция департаментінің баспасөз қызметі мәлім еткендей, қазіргі таңда адам өліміне әкеп соқтырған жол-көлік оқиғасы бойынша ҚР ҚК 345-бабы 4-бөлігі «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзу» бойынша сотқа дейінгі тергеу жүргізіліп жатыр.

Жол апаты жексенбі күні кешкісін Атырау маңында Астраханмен байланыстыратын тасжолда болған. Lada ВАЗ-2114 және DAW жүк көлігі соқтығысқан. Оқиға орнында 1978, 1981 және 1998 жылғы үш жолаушы қаза тапты. Олардың бірі ер, екеуі әйел адам. «ВАЗ-2114» жүргізушісі ауыр жарақатпен ауруханаға жеткізілді.