Атырау облысында жоғалып кеткен 2 баланың денесі өзеннен табылды

9 жастағы екі бала 11 қаңтарда Құрсай ауылындағы үйлерінен шығып, сол күйі оралмаған деп жазады ATPress.kz.

Балаларды іздеуге полиция мен құтқарушылар жұмылдырылған. ТЖД мамандары жеткіншектерді ауыл маңында ағып жатқан өзеннен іздеді. Өйткені, су бетіне қатқан мұз әлі жұқа болғандықтан, сырғанауға шыққан балалар оның астына түсіп кетуі мүмкін.

Құтқарушылардың болжамы расталып, Әлихан мен Жанболаттың денелері Перетаска өзенінен табылды.