Тәжікстаннан келген студенттер алаяқтықпен айналысып, азаматтарға 2 млн теңгеден астам шығын келтірген

Azattyq Rýhy

Олар әлеуметтік желіде қолдарында жоқ IPhone ұялы телефондарын сатумен айналысқан

Фото ашық дереккөзден

Тәжікстаннан келген үш студент интернет алаяқтық жасағаны үшін ұсталды, деп хабарлайды Polisia.kz.

Криминалдық полиция жастардың Instagram әлеуметтік желісінде қымбат тұратын бірақ қолдарында жоқ IPhone ұялы телефондарын сатумен айналысқанын анықтады.

«Клиенттерді мобильді құрылғының бағасы қызықтырды. Ол нарықтық құнынан әлдеқайда төмен болды. Олар сатушылардың ниетіне күмәндануы керек еді, бірақ бәрі керісінше болып шықты, арзан бағаға телефон алғылары келетіндер көп болды. Бұл іс-әрекетпен ЖОО-ның бірінің 3-курсында оқитын үш студент айналысқан. Оларды ҰҚКД қызметкерлерінің көмегімен Алматы облысы, Қарасай ауданы, Қаскелең қаласында ұстады. Қаскөй қолда жоқ өнім үшін төлемді ақша аударымдары арқылы алған», – деді Алматы қалалық ПД Криминалдық полиция басқармасының бастығы Қуатбек Науатов.

Спикердің айтуынша, күдіктілер қаражатты алғаннан кейін қолданушыларды бұғаттап, аккаунттың атын өзгерткен. Келтірілген шығын көлемі екі миллион теңгеден асады. Қазіргі уақытта тергеу амалдары жүргізілуде.

 

×
Бұл желілік ресурстың ақпараттық өнімдері 18 жастан асқан адамдарға арналған.