60 жастағы семейлік тұрғын бизнестегі серіктесін алдап кеткен
Енді қарызды өндіріп алумен сот орындаушылары айналысып жатыр
Семей қаласының 60 жастағы тұрғыны бизнестегі серіктесін алдап кеткен, деп жазады Аltaynews.kz.
Көші-қон полициясы басқармасы жұмысының негізгі бағыттарының бірі – алимент төлеуден жалтарғандар мен борышкерлерді іздестіру.
Мәселен, осы жылдың қараша айында Семей қаласы полиция басқармасының көші-қон қызметі бөліміне жеке сот орындаушысының 60 жастағы бизнес серіктесінің пайдасына шамамен 3 500 000 теңге қарызды өндіріп алу туралы қаулысы келіп түсті. Ер адам ақшаны қарызға алып, белгіленген мерзімде қайтармағаны белгілі болды.
«Борышкерге іздеу жариялағаннан кейін көші-қон қызметінің қызметкерлері оның 4 күн ішінде Алматы облысында тұрып жатқанын анықтады. Енді қарызды өндіріп алумен сот орындаушылары айналысуда», - делінген ақпаратта.
ШҚО ПД көші-қон қызметі атқару құжатын орындамағаны үшін ҚР ӘҚБтК-нің 669-бабы бойынша әкімшілік жауапкершілік және ҚР ҚК-нің 139-бабы бойынша қылмыстық жауапкершілік көзделгенін ескертеді.
