Жамбыл облысында 7 бірдей көлік апаты орын алды

Жамбыл облысында көктайғақ пен жолдың нашар көрінуінен бірнеше жол апаты тіркелді. Бұл туралы облыстық Полиция департаменті хабарлады.

Батыс Еуропа – Батыс Қытай автожолының Жамбыл облысы аумағындағы учаскесінде 7 көлік апатқа ұшыраған. Жолдың тайғақ болуынан бірнеше жүк көлігі аударылып, жеңіл көліктер бір-біріне соқтығысқан.

«Жол-көлік апаттарында зардап шеккен адамдар жоқ. Оқиғалар тексеріліп жатыр», - деп мәлімдеді Полиция департаменті.

Айта кетейік, Жамбыл облысында ауа райының бұзылуы байқалуда – қар, көктайғақ және тұман. Қардың мол түсуіне байланысты полицейлер өңір аумағында күшейтілген қызмет режиміне көшті.