Атырауда нәрестесін 38 жерден пышақтап өлтірген әйелге сот үкімі шықты

Azattyq Rýhy

Әйел жазасын темір тордың ар жағында өтемейтін болды

 

Атырауда 4 айлық сәбиін 38 жерден пышақтаған әйелге  қатысты сот үкімі шықты, деп хабарлайды Azattyq Rýhy «Астана» телеарнасына сілтеме жасап.

Сотта қатыгез әйелдің жантүршігерлік қылмысты есі дұрыс емес күйде жасағаны дәлелденген. Енді ол жазасын темір тордың ар жағында өтемейді. 

Психикалық  стационарда мәжбүрлі түрде емдеуге жіберілді. Үкімді тыңдауға сотталушының  туыстары  келген жоқ. Күйеуі мен жақындары онлайн арқылы тыңдады. Ал өзі Атыраудағы психикалық денсаулық орталығында емделіп жатыр. Сондықтан тергеуге де, сот процесіне де қатысқан жоқ.

«Байхиева ҚР Қылмыстық кодексінің 99-бабының 3-бөлігімен көзделген іс-әрекетті есі дұрыс емес күйде жасағаны үшін ҚР ҚК 16-бабына сәйкес қылмыстық жауаптылықтан босатылсын. Армангүл Юсуповна Байхиеваға мамандандырылған үлгідегі психияторлық станционарда мәжбүрлеп емдеу тағайындалсын», – деді Атырау облысы Қылмыстық істер жөніндегі мамандандырылған ауданаралық сотының төрағасы Зарема Хамидуллина.  

Сот процесінде 41 жастағы келіншектің параноидты шизофрениямен ауыратыны дәлелденген. Алайда жүктілік кезінде де, босанған соң да ауру белгілері байқалмаған. Тек нәресте қырқынан шыққан соң ғана туыстары әйелдің денсаулығынан ауытқушылықтарды байқапты. 

Естеріңізге салайық, қатыгез оқиға осыдан 7 ай бұрын, 26 сәуірде Құрманғазы ауданындағы Көптоғай ауылында болды. 4 айлық нәрестені туған анасы асхана пышағымен 38 жерінен жарақаттап өлтірген.
 

×
Бұл желілік ресурстың ақпараттық өнімдері 18 жастан асқан адамдарға арналған.