Алматы облысында тасқын су иесіз иттер паналайтын орталықты шайып кетті
Құтқарушылар 150 итті қауіпсіз жерге шығарды
Алматы облысы Жамбыл ауданында Книжевское су қоймасындағы бөгеттің жарылуы салдарынан тасқын су иесіз иттер паналайтын орталықты шайып кетті, деп хабарлайды ТЖМ баспасөз қызметі.
Аталған орталық бөгеттен небәрі 500 метр қашықтықта орналасқан. Иттер орналасқан жерге су ішінара кірген. Оның деңгейі шамамен 15-20 см құрайды.
«Жануарлар аман. Паналау орнында барлығы 150 ит болған. Су басқан кезде ТЖМ құтқарушылары мен мекеме қызметкерлері жануарларды қауіпсіз жерге көшірген. Қазіргі уақытта су деңгейі төмендеді», - делінген ТЖМ таратқан хабарламада.
Еске салайық, бұған дейін Төтенше жағдайлар министрлігі су тасқыны елді мекендерді шаймағанын, адамдар дін-аман екенін хабарлаған болатын.
Көп оқылған
28.06.2026, 11:46
Қарағандыда тергеу изоляторының қызметкерін ұрған тұрғын ұсталды
28.06.2026, 10:10
Қазақстанның медиа саласының дамуы: институционалдық жаңғыру және ақпараттық кеңістікті нығайту
Бүгін, 10:54
«Қалжың деп ойлаған еді»: астаналық жас жұбайлар Threads арқылы танымайтын адамдарды тойына шақырды
28.06.2026, 07:16
28 маусымда аптап ыстық +41 градусқа дейін жетеді
28.06.2026, 10:00
Еліміздің тек бір қаласында ауа сапасы нашарлайды
