АИ-92 маркалы бензинді Ресейге алып өтпек болғандар ұсталды

Павлодар облысында 480 тоннадан астам жанар-жағармайды «еріткіш» ретінде сыртқа шығармақ болғандар ұсталды, деп хабарлайды Azattyq Rýhy.

Қаржылық мониторинг агенттігінің хабарлауынша, мұнай мен мұнай өнімдерінің заңсыз айналымына қарсы күрес жүргізу кезінде Ресей Федерациясына 480 тоннадан астам АИ-92 маркалы бензинді заңсыз тасымалдаудың жолы кесілді.

Тергеу барысында бензинді «еріткіш» түрінде теміржол цистерналары арқылы тасымалдау жоспарланғаны анықталды.

Бензинді сату келісімшартының жалпы сомасы – 2,8 млрд теңге.

Аталған дерек бойынша сотқа дейінгі тергеп-тексеру амалдары жүргізілуде.