Түркістан тұрғыны WhatsApp мессенджері арқылы қаржы пирамидасын ұйымдастырып, 25 адамды тақырға отырғызған

Қаржы мониторингі агенттігінің Түркістан облысындағы аймақтық департаменті WhatsApp мессенджері арқылы үш бірдей қаржы пирамидасын құрған күдіктілерді ұстады деп хабарлайды Агенттіктің баспасөз қызметі.

Департаментке Түркістан қаласының 25 тұрғыны шағымданып келген. Тексеру барысында белгілі болғаны, әйел адам мессенджерде «Асыл Инвест», «Оборот 30%» және «3 күнде 30%» деген атаулармен чаттар ашып, адамдардан ақша жинай бастаған. Салымшыларға ол салған ақшасының 30% беріп отыруға уәде беріпті. Ал, ақшаны өзінің Kaspi-картасына аудартып отырған.

Қазіргі таңда анықталғаны, күдікті әйел 24 миллион теңге жинап үлгеріпті. Агенттік мамандары болса тұрғындардан мұндай алаяқтық желілерге алданып қалмауын сұрайды.