Алматы облысында қарулы шабуыл жасаған қылмыскерлер қолға түсті

Azattyq Rýhy

Олар тапа-тал түсте бетперде киіп, жалғызбасты әйелдің үйін тонаған

Фото ашық дереккөзден

Алматы облысының Іле ауданына қарасты Көкқайнар ауылындағы үйлердің бірін тонау үшін қарулы шабуыл жасаған қылмыскерлер ұсталды, деп хабарлайды Алматы облыстық ПД баспасөз қызметі.

Жалғызбасты әйелдің үйіне баса-көктеп кірген екі азамат мылтық кезеп, ұрып-соғу арқылы әйел кісінің алтын бұйымдарын алып кеткен.

Іле аудандық полиция департаментінің тергеушілері жедел іс-қимыл шарасын ұйымдастырып, күдіктілерді анықтады. Көп ұзамай 35 және 53 жастағы қос қылмыскер Алматы қаласында тұтқындалды.

Қолға түскен күдіктілерден 16-шы калибрлі шолақ мылтық пен заттай айғақ болатын алтын бұйымдар тәркіленді. Аталған іске қатысты ҚК 192-бабы 3-бөліміне сәйкес қылмыстық іс қозғалды.

×
Бұл желілік ресурстың ақпараттық өнімдері 18 жастан асқан адамдарға арналған.