Атырау облысында жастар арасындағы атыстан бір адам қаза тапты

30 қазан күні сағат 19.30-да "Атырау-Ақтөбе" тас жолының 331-шақырымында Сағыз ауылының маңында жастар бір-біріне оқ атқан. Соның салдарынан 6 адам зардап шекті. Өкінішке қарай, 1985 жылы туған азамат алған жарақаттан ауруханада қайтыс болды.

Атырау облыстық полиция департаменті баспасөз қызметінің хабарлауынша, атысқа ауыл жастарының бір-бірімен келіспей қалғаны себеп болған.

Қазір Сағыз ауылына Атырау облыстық полиция департаментінің жедел-тергеу тобы жетті. ҚР Қылмыстық кодексінің 99-бабының 2-бөлігімен (Адам өлтіру) сотқа дейінгі тергеу басталды.