Алматы облысында жантүршігерлік жол апатынан 1 адам қаза тапты
Қайғылы оқиға 8 қазан күні сағат 17:30 шамасында Еңбекшіқазақ ауданында болған
Алматы облысында жантүршігерлік жол-көлік апаты болып, бір адам қаза тапты, деп хабарлайды Azattyq Rýhy.
Алматы облысы Полиция департаментінің мәліметінше, қайғылы оқиға 8 қазан күні сағат 17:30 шамасында Еңбекшіқазақ ауданында болған.
Алматы – Көкпек – Көктал тасжолының 39-шы шақырымында Mercedes-Benz автокөлігінің 20 жастағы жүргізушісі рөлді басқара алмай, қарсы жолаққа шығып кетіп, Audi C-4 және Toyota Camry көліктеріне соғылған.
«Жол апаты салдарынан Mercedes көлігінің жүргізушісі оқиға орнында көз жұмды. Түрлі ауыр жарақат алған екі адам ауруханаға жатқызылды», - делінген облыстық ПД хабарламасында.
Қазіргі уақытта аталған факт бойынша ҚР Қылмыстық кодексінің 345-бабының 3-бөлігі бойынша қылмыстық іс қозғалды. Қажетті сараптамалар тағайындалды.
